Poesie

Agricoltura

Vino
 

Santuario della Madonna della Carità

Poesie con tema il Vino e la Vendemmia:



Aria 'e vennegna di Salvatore Cerino


P' 'e vvigne secche rosse gialle verde,
rallegra 'o core ll'aria d' 'a vennegna!

P' 'addor' 'asprinio 'a pucundria se sperde
e n' allerezza p' 'a campagna regna.
Gente se move attuorn' 'a massaria,
quase mbriacata 'a ll'aspro ca se 'mpregna
e ca rinforza 'a vita e 'a fantasia.

Schiacciata e' ll'uva e fermentanno, 'o vino,
nziem' 'a vinaccia crea l'armunia.

E' festa arcana. E' n'attimo divino.
Se canta e se pazzea. L'eco risona.
Abballa 'a parzunala e 'o contadino.

Fin' 'o tramonto ch' 'a campagna sona
e addobbeca massare e campagnole.

Pe' ll'asprulenza ca cunzola e stona,
tutto s'addorme appena e' sciso o sole.